كلام العاقلين

تيران و صنافير سعودية و لا مصرية ؟ من غير زعل و شتيمة لو لجأت السعودية للتحكيم الدولي بعد  قرارات و اقرارات و تحديد و تعيين 1990 موقف مصر حيكون زي واحدة جوزها رافع عليها دعوى زنا و ابوها و امها و اخواتها اول ناس شاهدين عليها محامي الزوج مش حيروح حيبعت مذكرة لوحدها و القاضي حيحكمله للأسف بعد الاطلاع على الاعترافات المصرية بسعودية الجزيرتين منذ 1988 الموقف حيكون زي ما شرحت اعلاه

زواج بدون مشاكل حلم طبعا اكيد الحياة طبعا فيها الحلو و فيها الوحش المهم خد بالك و نستعرض الاحتياطات هنا بلا ترتيب - اسم مولودك او مولوتك الأولى ريح نفسك من الأول و ارتبط بواحدة اسم ابوها زي اسم ابوك علشان المشاكل او سمي ابنك او بنتك اسم ثالث - لو مراتك عايزة تشتغل سيبها تشتغل المهم يكون اختيارها لانها لو ما اشتغلتش مش حيكون وراها غيرك يا حلو - لو بتشتري شقة جديدة لو الأحوال متيسرة اشتري لها حتة دهب و اكتب الشقة باسمك لو مش متيسرة اكتب لها حتة من الشقة صدفني حيفرق معاك و ابقى اشتري انت شقة تانية بعد كده - لو في واحدة احلى منها موجودة ما فيش واحدة احلى منها لأي سبب و ممكن يكون لأنك ما بتحبش الحلاوة الزايدة - لو بتحب تروح لأمها كتير سيبها تروح لأمها كتير و لمرواحها عشرين فايدة  اهمهم توفير ثمن الخروجات معاك و انهم حيقولوا عليك طيب و كيوت و في الآخر هي اللي حتزهق من بيت اللي خلفوها - الحنية ثم الحنية ثم الحنية و هي حتقولك اديك عنيا - بعد ولادة اول طفل انت لم تصبح و لن تصبح اولوية بعد ذلك حقيقة مثبتة مع 99% من نساء الهالم لن تنجح في تغييرها